Det er ikke ofte me har besøk av eller samarbeider med korps utanfor nærområdet vårt. Det får me imidlertid no til helga då Osterøy Janitsjar kjem på besøk. Dei har vore på besøk hjå oss tidlegare også – for 15 år sidan!
Gjestekorps i 2009
I januar 2009 var Osterøy Janitsjar gjestekorps på årskonserten vår. Så kan ein jo spørja kvifor akkurat dei vart invitert som gjestekorps – og årsaken var berre tilfeldigheitar.
Ein av våre medlemmar med lengst fartstid, Harald Skjerping, er frå Osterøy. Hausten 2008 kom ein ny korpsmusikar til bygda og starta å spele hjå oss. Harald høyrde fort at ho var frå «øyne» og ho hadde sjølvsagt spelt i Osterøy Janitsjar før ho kom til Årdal. Og vipps – før vi avslutta 2008 hadde ostringane takka ja til å vere gjestekorps på konserten vår.
Kvifor gjenvisitt i år?
I dei 15 åra som har gått sidan forrige besøk, har det ikkje vore nokon spesiell kontakt mellom korpsa. Ho som var bindeleddet sist, har flytta frå Årdal. Så kva er årsaken til at dei kjem attende no? Det er no dei berømte tilfeldigheitane då…
Ostring Harald Skjerping er framleis «trommis» hjå oss, men denne gongen er det ikkje han som er bindeleddet. Kontakten har gått motsett veg. Hilde Horpen spelte hjå oss i mange år før ho reiste ut for å studera. Ho har vore heimom og spelt med oss manga gonger sidan ho reiste ut. Og så ville det seg slik at ho byrja spele i Osterøy Janitsjar då ho avslutta polikarkarriera. Der har ho også nett har teke over som leiar.
Då Hilde var med på seminar hjå oss sist haust, kom forslaget om gjenvisitt opp. Og vipps, så vart det gjort avtale om at dei skulle komme attende på besøk før sommarferien.
Utekonsert på Tangen laurdag
Når korpsfolk treffest slik som til helga, må det sjølvsagt bli ein konsert. Vi satsar på opphaldsver og marginalt med vind på den fyrste junidagen, og inviterar til utekonsert ved Klingenberg Hotel ein liten time frå kl. 15 førstkommande laurdag. Vil ikkje veret spele på lag, trekk vi inn i samfunnshuset.
Vil slår oss saman og spelar 3-4 fellesnummer i tillegg til at kvart korps spelar nokre nummer kvar for seg.
Forutan speling, skal vi hygge oss saman med god mat og triveleg samvær gjennom helga. Klokka seks på kvelden dreg me dessutan til Øvre og høyrer på Janitsjaren sin vårkonsert. Dra gjerne dit du også!
Velkommen til konsertar!
