No er vi i gang med sal av adventskalendaren for 2023. Kalendaren kostar 75 kroner og alle inntekter går uavkorta til korpset.
Dette er eit av to lotteri korpset gjennomfører årleg, og gir viktige inntekter til drifta av korpset. Vi håpar mange vil støtte oss ved å kjøpe kalendaren.
Gevinstar som støttar lokalt næringsliv
Me veljer å ha gåvekort frå lokale bedrifter i Årdal som gevinstar. På denne måten vil vi gje litt attende til alle bedrifter som støttar oss på ulike måter.
Om du vinn kjem an på kor mange juletrær du finn bak dei 24 lukene. Med 7 juletrær stikk du av med hovudgevinsta. Heile gevinstlista ser du nedanfor.
Her får du kjøpt kalendaren
Alle korpsmedlemmar har kalendarar for sal og i tillegg sitt me på Rema 1000 på fredagar og laurdagar, og sikkert nokre andre dagar også.
Om du ikkje treff på oss, kan du også bestille direkte frå korpset :
- Gå inn på Facebook-sida vår og skriv eit innlegg eller send oss ei melding.
- Du kan også sende epost til post@ardalstangenmusikklag.no med bestillinga di.
Felles uansett måte er at vi ber deg oppgi namn/adresse til den eller dei du ynskjer levering til – og tal kalendarar. Vi leverar på døra i Årdal, og kan etter avtale sende mot betaling av porto. Betalingsmåte avtalar vi nærare når du får kalendarane.
