Støtt oss gjennom 17. mai-lotteriet

Publisert: 26. april 2022

Etter to år utan å ha fått gjennomført dette lotteriet, er vi klare igjen for å lodde ut ein morgonkonsert på 17. mai.

I dette lotteriet kan du for eksempel:

  • Gjere stas på ein god nabo eller ven
  • Glede deg sjølv med ein eigen korpskonsert
  • Fri til den du elskar
  • Vekke ein du veit har feira 16. mai dugeleg
  • Eller – du kjem kanskje på noko anna?

Vi held ikkje oversikt over kven som tar lodd på kven eller kva slags adresse – du er anonym loddkjøpar.

Slik fungerar lotteriet

Du skriv loddet på ei adresse eller ein person der du ynskjer at vi skal spele ca. kl. 9 på 17. mai. Adressa må være på Tangen med dalane. Trekkinga skjer under 17. mai-frukosten etter salutt og flaggheis. Vinnaren vert også annonsert under festarrangementet på skulen etter toget.

Loddet kostar kr. 5

Slik kan du kjøpe lodd

  • Du kjem til å finne oss på Rema 1000 nokre ettermiddagar framover mot 17. mai.
  • Du kan sjølvsagt huke tak i eit korpsmedlem du veit om – alle sel lodd.
  • Du kan kjøpe lodd via Vipps ved å søke opp antan Korpskiosken eller #118857. NB! Hugs å skrive inn hjå kven eller kvar vi skal spele.
  • Og du kan sende oss ei melding på Facebook viss det er det enklaste.

Les fleire saker

Raus gåve frå Sogn Sparebank

Raus gåve frå Sogn Sparebank

Sidan 2008 har korpset hatt eit sponsorprogram med 3-årige avtalar med lokale bedrifter. I desse dagar er vi i ferd med å inngå avtalar for perioden 2023-2025. Vi kjem attende med presentasjon av sponsorane for denne perioden litt seinare. Smilande om kapp, styreleiar...

read more
Det året det var så bratt

Det året det var så bratt

"Det var det året det var så bratt", skreiv Øystein Sunde for mange år sidan. Vi låner orda hans for å beskrive året 2022. Dei to åra før må ein kunne karakterisere som ganske "paddeflate"; ingen øvingar eller konsertar utanom nokre få tonar på 17. mai. Året 2022...

read more
No er lotterikalendaren vår her!

No er lotterikalendaren vår her!

Samstundes jubileum for korps og adventslotteri I år når korpset fyller 75 år, feirar vi også 20 år med adventslotteri. Dette er eit av to lotteri korpset gjennomfører årleg, som gir viktige inntekter til drifta av korpset. Vi håpar mange vil støtte oss ved å kjøpe...

read more