Klar for haustsesongen

Publisert: 19. august 2022

No er vi klare for haustsesongen og ynskjer nye og gamle «korpsarar» vel møtt til samspel, kjekt sosialt samver og kjekke speleoppdrag.

Ivrige ungdomar på sommarmusikkleir

NMF har mange sommarkurs rundt om i landet både for ungar og vaksne. I år var det berre to av våre medlemmar som var på sommarkurs, men dei var kjempenøgde etter ei veke på Raudt kurs på Nordfjordeid. Vi var eit par vaksne som tok turen opp og høyrde på avslutningskonserten forrige laurdag, og det er heilt utruleg kva dei klarer å øve inn i løpet av ei veke. Og våre to, Alexander Zerbst og Augustas Juska, var klare på at dei hadde hatt det kjempekjekt både musikalsk og sosialt.

Alexander Zerbst og Augustas Juska har hatt ei kjempekjekk veke på Nordfjordeid. Her med musikalsk leiar og dirigent Jostein Kregnes frå Trondheim.
På sommarkursa får ein også gruppeøving på det instrumentet ein spelar. Her er Alexander med grovmessinginstruktør Sigurd Brevik frå Måløy.

Øvingsstart tysdag 23. august

Kommande tysdag startar «vaksenkorpset» opp haustsesongen. Vi held som vanleg til i kinosalen på Årdalstangen. Øvingstida er kl. 18-20 inntil det ev. kjem endringar i opningstider for Seimsdalstunnelen.

Vi ynsker alle som har lyst å spele med oss velkomne uansett om du aldri har spelt eller ikkje har spelt på mange år. Om du er usikker på korleis du finn oss, gå inn døra på baksida av Årdal Kino (berre ei dør å velje), gå ned trappa og inn til høgre i kinosalen. Om du tykkjer det er litt «ekkelt» å berre dukke opp, kan du sende oss ei melding anten på Facebook, i kontaktskjemaet her eller på epost til post@ardalstangenmusikklag.no. Eller kanskje du vil ringe dirigenten vår, Oddgeir Øren, for å høyre litt. Han når du på på tlf. 9752 4505. Om du ynskjer, møter vi deg utanom øving så du får møte nokre av oss på førehand også.

17. mai 2022 i nye uniformar.
Konsert på kyrkjegarden laurdag før helgemesse.

Les fleire saker

Raus gåve frå Sogn Sparebank

Raus gåve frå Sogn Sparebank

Sidan 2008 har korpset hatt eit sponsorprogram med 3-årige avtalar med lokale bedrifter. I desse dagar er vi i ferd med å inngå avtalar for perioden 2023-2025. Vi kjem attende med presentasjon av sponsorane for denne perioden litt seinare. Smilande om kapp, styreleiar...

read more
Det året det var så bratt

Det året det var så bratt

"Det var det året det var så bratt", skreiv Øystein Sunde for mange år sidan. Vi låner orda hans for å beskrive året 2022. Dei to åra før må ein kunne karakterisere som ganske "paddeflate"; ingen øvingar eller konsertar utanom nokre få tonar på 17. mai. Året 2022...

read more
No er lotterikalendaren vår her!

No er lotterikalendaren vår her!

Samstundes jubileum for korps og adventslotteri I år når korpset fyller 75 år, feirar vi også 20 år med adventslotteri. Dette er eit av to lotteri korpset gjennomfører årleg, som gir viktige inntekter til drifta av korpset. Vi håpar mange vil støtte oss ved å kjøpe...

read more