Takk for 1,5 millionar kroner i sponsorbidrag!

Publisert: 20. mars 2020

Det er ein rar søndag. I dag skulle vi eigentleg kvilt ut etter ei hektisk seminar- og konserthelg. Vi skulle presentert flott og variert musikk som vi har øvd på lenge. Musikken får vi vente med å presentere for dykk til hausten. På konserten skulle vi også gjort stas på dei lokale bedriftene som vil vere faste støttespelarar til korpset dei neste 3 åra.

Slik gjekk det ikkje denne gongen, men vi får utnytte dei sosiale media til å gi dei litt av den merksemda og takken dei fortener. Og så får vi gje dei meir heider til hausten.

Grovt rekna kan vi dele inntektene våre i tre like store delar; medlemmane sin eigeninnsats, sponsormidlar og ikkje minst grasrotgjevarane våre. Vi starta sponsorprogrammet vårt i 2008 og dei aller fleste bedriftene har vore med sidan den gongen. Til saman har dei støtte korpset med omkring 1,5 millionar kroner sidan den gong! Altså – 1 500 000 kroner! Det er ufatteleg mykje pengar for dei fleste, og har verkeleg vore til utruleg stor hjelp for korpset! Takk til alle bedriftene som har støtta oss gjennom desse åra.

I den kommande 3-årsperioden har vi følge av desse bedriftene:

  • Sogn Sparebank
  • Hydro Årdal Metallverk
  • Klingenberg Hotel AS
  • Årdal Kraftlag AS
  • Årdalsnett AS
  • Olav O. Hæreid AS
  • Andersen AS
  • HMR Hydeq AS
  • Indre Sogn Bil AS
  • Kleiven Sogn AS
  • Seimsdal Kraft AS
  • Årdal Blikkenslagerservice AS
  • Årdal Byggservice AS
  • Årdal Rør & Sanitær AS
  • Sogn Kontorsenter
  • Printfarm AS

Vi oppmoder alle til å handle lokalt og den oppfordringa har vel aldri vore så aktuell som i desse dagar!

Les fleire saker

Raus gåve frå Sogn Sparebank

Raus gåve frå Sogn Sparebank

Sidan 2008 har korpset hatt eit sponsorprogram med 3-årige avtalar med lokale bedrifter. I desse dagar er vi i ferd med å inngå avtalar for perioden 2023-2025. Vi kjem attende med presentasjon av sponsorane for denne perioden litt seinare. Smilande om kapp, styreleiar...

read more
Det året det var så bratt

Det året det var så bratt

"Det var det året det var så bratt", skreiv Øystein Sunde for mange år sidan. Vi låner orda hans for å beskrive året 2022. Dei to åra før må ein kunne karakterisere som ganske "paddeflate"; ingen øvingar eller konsertar utanom nokre få tonar på 17. mai. Året 2022...

read more
No er lotterikalendaren vår her!

No er lotterikalendaren vår her!

Samstundes jubileum for korps og adventslotteri I år når korpset fyller 75 år, feirar vi også 20 år med adventslotteri. Dette er eit av to lotteri korpset gjennomfører årleg, som gir viktige inntekter til drifta av korpset. Vi håpar mange vil støtte oss ved å kjøpe...

read more