Ny nettside!

Publisert: 21. februar 2022

Hurra – me har omsider fått ny nettside! Og den er det ein kallar responsiv slik at den tilpassar seg etter om du tek han opp på mobil, nettbrett eller PC.

Vi lanserte den førre nettsida vår i februar i 2008. Sidan den gongen har både teknologien og bruken av digitale media endra seg enormt mykje. Dette såg vi allereie i 2017 og bestemte oss for at tida inne for å oppgradere, men det tok altså 5 år før vi kom så langt. At nysida kjem på lufta i året korpset fyller 75 år, passar i grunnen veldig godt.

Besøkstalet på den gamle nettsida har vore jamnt og gledeleg høgt i alle desse åra. I skrivande stund har den hatt 1 113 409 besøkande og det vert nestan 220 besøk kvar einaste dag i 14 år.

I 2010 vart sida kåra til Noregs beste korpsnettside for vaksenkorps, medan Vardal Skolekorps på Gjøvik gjekk av med sigeren for skulekorps.

I 2010 fekk trommis Katrine overtalt korpset til å opprette ei gruppe på Facebook. Denne vart etterkvart omgjort til ei Facebook-side for at vi skulle vere synlege for alle og ikkje berre gruppemedlemmar. Etter kvart som teknologien på nettsida vart utdatert, har vi nytta FB mest. No skal vi tilbake til meir bruk av nettsida, men i kombinasjon med FB.

Dersom du har spørsmål eller tilbakemeldingar til den nye nettsida, send oss ein e-post på post@ardalstangenmusikklag.no.

Den gamle nettsida er historie.

Les fleire saker

17. mai-lotteriet er i gang

17. mai-lotteriet er i gang

No står mai for døra, og vi er godt i gang med vårt spesielle 17. mai-lotteri. Kvar skal vi spele morgonkonserten vår i år, mon tru? Vær med og bestemme kvar vi skal spele morgonkonserten vår i år med kjøpe lodd. Loddseljarar i aksjon. Lotteriet fungerer slik at på...

read more
Knakende kjekk øvingshelg

Knakende kjekk øvingshelg

Det er ein nesten uskreven regel at me samlast til helgeseminar så snart me kjem over i januar. No i helga var korpset samla til både felles- og gruppeøvingar. Det er alltid kjekt med slike samlingar - mengdetrening er gull verdt når det gjeld å knekke koden på dei...

read more
Raus gåve frå Sogn Sparebank

Raus gåve frå Sogn Sparebank

Sidan 2008 har korpset hatt eit sponsorprogram med 3-årige avtalar med lokale bedrifter. I desse dagar er vi i ferd med å inngå avtalar for perioden 2023-2025. Vi kjem attende med presentasjon av sponsorane for denne perioden litt seinare. Smilande om kapp, styreleiar...

read more