Jubileumskonsert 12. mars

Velkomen til 75 års jubileumskonsert!

Laurdag 12. mars kl. 18

StadÅrdal Kino, Årdalstangen
Billettpriskr. 200,-

Dirigent Oddgeir sett seg denne gongen ned i korpset med kornetten sin, medan gjestedirigent Erling Myrseth svingar taktstokket. Med oss som gjestar har vi også Farnes Skulekorps der våre medlemmar i skulekorpsalder, spelar. Dei er det Sigyn Øren som dirigerar.

Fornøgde musikantar finpussar på konsertstoffet på Mastemyr i januar.

Kva slags musikk byr vi på?

Musikken vi har vald ut til konserten, speglar alle 75 åra til korpset. Vi kjem naturleg nok ikkje unna nokre marsjar og sjølvsagt er vår eigen «Tangingen» komponert av tidlegare dirigent Asle Aanses. ein av dei. Vi har også funne fram ein vals som vart spelt frå 1947 og nokre år framover. Eit større konsertstykke som vi spelte for nokre år sidan, tek vi også med. Det nyaste stykket er ein låt av Sondre Justad.

Farnes Skulemusikk sitt repertoar kjenner vi ikkje i skrivande stund, men du får også høre skulemusikken og vaksenkorpset saman i eit friskt fellesnummer.

Kvifor gjestedirigent?

Dei seinare åra har vi nytta gjestedirigentar på hovudkonsertane våre, og du lurer kanskje på kvifor. Det er fleire grunnar , men ein av dei er den magre tilgangen på gode dirigentar i nærområdet vårt. Oddgeir Øren har dirigert oss i over 20 år med eit par opphold, og han er tydeleg på at korpset treng nye impulsar med jamne mellomrom. Ved å engasjere gjestedirigent får vi det – ting vert sagt og gjort på litt andre måtar som igjen gjev ny inspirasjon og hevar oss musikalsk.

Erling J. Myrseth

Erling Myrseth bur i Oslo og er ein særdeles ettertrakta dirigent. Han kom inn som gjestedirigent hjå oss i 2019 og vi trivdes så godt i lag at vi planla at han skulle dirigere oss i 2020 også. Så langt kom vi aldri – vi fekk med oss ei øvingshelg på Mastemyr i januar, men fekk aldri gjennomført konserten grunna pandemien. Den sette ein stoppar for all musikalsk aktivitet i halvanna år fram til sist haust. I oktober hadde vi ei fin «kick-off» øvingshelg med Erling her i Årdal og no i januar ei kjempekjekk øvingshelg på Mastemyr utan for Oslo.

No gler vi oss til endeleg å spele konsert for publikum igjen, og håpar kinosalen vert stappande full med folk.

Les fleire saker

Vår 17. mai

Vår 17. mai

Flaggheis kl. 8 i nye uniformar. Så kom endeleg dagen som heile Noreg har gledd seg til - ein normal 17. mai utan avlysningar, smitteverntiltak og karantenereglar. Etter fleire gufne dagar med regn, vind og låge temperaturar, vakna vi opp til strålande vær på...

Integrering + Inkludering = Rekruttering?

Integrering + Inkludering = Rekruttering?

Tankar etter møte i regi av Sogn Regionråd og prosjektet "Sogn for alle" Spennande - Slik så invitasjonen ut som gjekk til lag og organisasjonar. Denne invitasjonen tikka inn til alle i styret i siste delen av april. Vi lurte nok litt på kva utbytte vi kunne forvente...

Støtt oss gjennom 17. mai-lotteriet

Støtt oss gjennom 17. mai-lotteriet

Etter to år utan å ha fått gjennomført dette lotteriet, er vi klare igjen for å lodde ut ein morgonkonsert på 17. mai. I dette lotteriet kan du for eksempel: Gjere stas på ein god nabo eller venGlede deg sjølv med ein eigen korpskonsertFri til den du elskarVekke ein...